Рускиот претседател Владимир Путин ја зголемува воената активност врз Киев со цел да ја принуди Украина да преговара според неговите услови, пишува Блумберг, повикувајќи се на извори блиски до Кремљ. Според нив, американскиот претседател Доналд Трамп веројатно нема да ја зајакне одбраната на украинската престолнина.
Путин планира да ја таргетира енергетската мрежа и инфраструктурата на Киев, убеден дека Западот нема да интервенира значајно. По разговорите во Алјаска, рускиот претседател ја оценил слабата ангажираност на САД и ја гледа како можност да ги зголеми притисоците врз Украина пред следните преговори.
По самитот, нападите со беспилотни летала и ракети се зголемиле за околу 46 проценти. До средината на септември, Русија испратила 3.500 беспилотни летала, речиси 190 ракети и повеќе од 2.500 бомби, но територијалниот напредок на руските сили се забавил. Војската на Украина успеала да поврати дел од територијата во Донецк, додека Русија прераспоредила 100.000 војници за напад на Покровск.
Путин, истовремено, ја следи и војната во Газа, забележувајќи дека западните влади го прифаќаат тој конфликт без сериозни критики, што според него ја засилува неговата позиција во Украина. Според аналитичарите, рускиот претседател ќе продолжи да користи воени средства, нуклеарна уцена и психолошки притисок за да постигне видливи победи до зимата.
