Австрија донесе одлука за зголемување на платите на вработените во приватните градинки, при што наставниот кадар добива покачување од 3,5%, а помошниот персонал од 3,7%, пренесува австриската новинска агенција АПА.
Со новата одлука, минималната плата за воспитувачите во градинките изнесува 3.170 евра, додека помошниот персонал ќе заработува најмалку 2.216 евра месечно. Одлуката е донесена од Федералното биро за решавање на работни спорови при Министерството за социјални работи.
Според официјалните податоци, околу 41% од установите за згрижување деца во Австрија – вклучувајќи градинки, јасли и групи за мали деца – се приватни, односно се под управување на општински или градски власти. Колективниот договор за работа, сепак, опфаќа само дел од вработените во овие установи.
