ВИДЕО: Евакуација во „Сити мол“ по дојава за бомба

Посетителите и вработените денеска беа итно евакуирани од трговскиот центар „Сити мол“ во Скопје, по пристигната дојава за наводно поставена експлозивна направа.

На местото е забележливо засилено полициско присуство, а целиот простор околу трговскиот центар е обезбеден и затворен за движење.

Од Министерството за внатрешни работи информираат дека дојавата пристигнала на службена електронска адреса, во која било наведено дека во „City Mall“ се поставени експлозивни направи.

„Полициски службеници преземаат мерки и вршат проверки во трговските центри“, велат од МВР.

Полицијата продолжува со увид и проверка на безбедносната состојба.