Општина Гази Баба го отвора патот кон поеколошка мобилност со нова можност за граѓаните. секое семејство може да добие финансиска поддршка за инсталација на уреди за течен гас, метан или други алтернативни горива во своето возило.
Финансиската поддршка важи за едно возило по семејство, а Општината ќе покрие до 50% од трошоците, но не повеќе од 18.000 денари. Право на аплицирање имаат само сопствениците на возила произведени по 1 јануари 2007 година.
За да се вклучат во програмата, граѓаните треба да поднесат барање и соодветна документација во затворен плик до Општината. Барањата ќе се обработуваат според принципот „прв дојден, прв услужен“, што значи дека кој побрзо аплицира, тој ќе добие субвенција.
