На неколку дена пред Новата 2026 година, Битола живее во знакот на празничната магија. „Зимската приказна“ е во полн ек, а градот се претвори во отворена сцена исполнета со музички настапи, театарски содржини, кино на отворено, празничен автобус и божиќен маркет. Светлечките украси, зимската атмосфера и бројните посетители создаваат чувство на топлина и радост на секој чекор, потврдувајќи дека Битола има посебен шарм во зимските денови.



























