Градоначалникот на Пробиштип Тони Тоневски денес им посака добредојде на наставници и ученици од Кајсери, кои престојуваат во градот во рамки на Еразмус+ програмата за размена на знаења, искуства и култури.
Гостите се сместени во основното училиште ООУ „Никола Карев“, каде во текот на неделата ќе имаат можност да се запознаат со организацијата на наставата, образовниот систем и секојдневните активности во училиштето.
Во рамки на програмата се предвидени и посети на наставни часови, како и учество во работилници посветени на инклузивно образование и современи педагошки пристапи, со цел размена на добри практики меѓу двете образовни системи.
Покрај образовниот дел, програмата вклучува и активности за запознавање на културата, традициите и вредностите на двете земји, што, како што беше истакнато, придонесува за меѓусебно разбирање, почитување и зајакнување на пријателските односи.
