Општина Прилеп започнува средби со граѓаните во рамките на консултациите за подготовка на општинскиот буџет за 2027 година. Градоначалникот Дејан Проданоски ги повика жителите активно да се вклучат со предлози и идеи за утврдување на приоритетите.
Целта на средбите е преку отворен дијалог да се согледаат потребите на граѓаните и заеднички да се планираат вложувања за подобрување на условите за живот во сите населби.
За вечерва, во 18:00 часот, во просториите на Општина Прилеп е најавена средба со жителите на урбаните заедници Аличаир, Вишне и Ѓогдере.
Од локалната самоуправа ги повикуваат жителите да ги споделат своите предлози и да придонесат во креирањето на буџетските приоритети.
„Вашето мислење е важно. Заедно ги планираме приоритетите и создаваме подобра општина за сите!“, се наведува во повикот.
