Голем шумски пожар денеска избувна кај село Церово во Општина Желино и моментално се шири кон Карпалак и скопскиот регион. Засега нема загрозени населени места или објекти, информираат надлежните.
Екипите на терен постојано работат на локализирање на огнената стихија. Директорот на Центарот за управување со кризи, Мухамед Али, ја следи состојбата директно од терен и е во постојана комуникација со ангажираните тимови.
За утре наутро е планирана интервенција и со воздушни средства. Авион-ер трактор ќе биде вклучен уште од раните утрински часови за полесно ставање на пожарот под контрола.
Сите засегнати служби остануваат на терен, со цел брза и ефикасна реакција доколку пожарот продолжи да се шири.
