Лидерот на Алијансата за Албанците, Арбен Таравари, и неговото крило од партијата повторно се активни во политичкиот живот со серија изјави и најави. Тие најавуваат дека ќе продолжат да дејствуваат како независна политичка опција, со свои ставови и иницијативи, наместо да се интегрираат целосно во коалицијата „ВЛЕН“.
Таравари и неговите соработници велат дека коалицијата „ВЛЕН“ е нестабилен проект и дека нема да успее да создаде единствена партија која ќе го обедини албанското политичко тело. Според него, истиот исход што се случил со Алијансата за Албанците може да го доживее и партијата БЕСА.
Покрај тоа, се најавува дека Алијансата ќе излезе со свои политички листи и кандидати, вклучително за градоначалнички позиции на претстојните избори, како и дека ќе продолжи да ја следи својата стратегија во парламентарната политика.
