Најстуденото утро денес го измерија метеоролозите во Берово со -3 степени, додека Попова Шапка и Маврови Анови се разбудија на -1 степен. Во Битола и Скопје-Петровец температурата се спушти до нула, а во Струмица, Тетово и Крива Паланка утринските вредности достигнаа 1 степен. Малку повисоки, од 2 до 3 степени, беа во Прилеп, Куманово, Велес, Претор, Охрид, Штип, Скопје-Зајчев Рид, Демир Капија и Крушево, додека во Виница, Кавадарци и Гевгелија термометрите покажуваа 4 степени.
Снегот и понатаму ги краси планинските врвови. На Попова Шапка снежниот покрив достигна 74 сантиметри.
