Министерката за енергетика, рударство и минерални суровини Сања Божиновска упати новогодишна порака до граѓаните, нагласувајќи дека новата година ја започнува со силна лична посветеност за унапредување на енергетскиот систем на државата. Таа истакна дека приоритет останува изградбата на стабилен, сигурен и одржлив енергетски сектор, кој ќе биде во служба на граѓаните и идните генерации.
Божиновска порача дека ќе вложи максимални напори за зајакнување на позицијата на Македонија како сериозен и доверлив партнер на патот кон Европската Унија, преку спроведување реформи, зголемена транспарентност и целосно усогласување со европските стандарди во енергетиката. Според неа, со заедничка работа и јасна визија можно е да се изгради поуспешна и европска држава.
