Американскиот бизнисмен со македонско потекло Никола Андреевски од Чикаго присуствуваше на донаторски настан за кандидатот за Конгрес од Ајова Џо Мичел, кој се одржа во Мар-а-Лаго, резиденцијата на претседателот на САД Доналд Трамп.
На настанот учествуваа повеќе влијателни политички фигури, меѓу кои и Том Емер, како и Џејсон Смит, претседател на Комитетот за буџет и даночна политика во Претставничкиот дом на САД — тело со значајна улога во креирањето на економските политики.
Од лево кон десно: Никола Андреевски, Toм Емер (Majority Whip) и Драгослав Павловиќ, градоначалник на
Андреевски, заедно со бизнис лидери од Балканот, остварил средби со американски политичари, при што била нагласена растечката улога на македонската бизнис дијаспора како мост меѓу Македонија и клучните економски и политички центри во САД.
Никола Андреевски и Род Благојевич во Мар-а-Лаго
Ова не е прво учество на Андреевски на ваков тип настани. Во мај 2025 година тој присуствуваше на слична донаторска средба во Мар-а-Лаго, заедно со поранешниот гувернер на Илиноис Род Благојевиќ, што дополнително придонесе за зајакнување на врските меѓу балканско-американските претприемачи и политичките кругови во САД.
Меѓу присутните беше и Ерик Бранстад, син на поранешниот гувернер на Ајова и поранешен амбасадор на САД во Кина, Тери Бранстад, кој имаше значајна улога во претседателската кампања во Ајова.
Настанот уште еднаш ја потврди сè поизразената активност на македонската бизнис заедница во САД, која отвора нови перспективи за инвестиции, економска соработка и посилно меѓународно поврзување на Македонија.
