Истражувачи од Институтот за аквариумски истражувања во Монтереј (MBARI), во соработка со стручњаци од универзитетите SUNY Geneseo, Монтана и Хаваи, открија три нови видови риби-пужеви на длабочина меѓу 3.268 и 4.119 метри, покрај калифорниската обала.
Новите видови се:
Careproctus colliculi – розев, нерамен пуж со „насмевка“ Careproctus yanceyi – темноцрн пуж Paraliparis em – елегантен пуж
Рибите-пужеви се познати по големата глава, желатинозното тело и тесниот опаш, а некои видови користат посебен диск на стомакот за да се закачат за морското дно или за поголеми животни. Овие адаптации им овозможуваат да преживуваат во екстремните услови на длабокото море.
„Длабокото море е дом на неверојатна разновидност на организми и фасцинантни адаптации. Откривањето на три нови видови риби-пужеви е потсетник колку уште треба да научиме за животот на Земјата и за моќта на истражувањето“, изјави професорката Мекензи Герингер од SUNY Geneseo.
Истражувањето било изведено со помош на далечински управувано подводно возило Doc Ricketts, опремено со напредни камери и научни инструменти за снимање и собирање податоци од абисалното дно.
Овие откритија не само што ја зголемуваат базата на знаење за биолошката разновидност, туку се клучни за разбирање на влијанието на климатските промени, загадувањето и длабокото рударство на океаните. Само околу 20% од океаните се истражени, а секое ново откритие открива неверојатни и досега непознати форми на живот.
