Новите податоци од анкетата на Gallup International за нето-рејтингот на американскиот претседател Доналд Трамп во Европа откриваат длабока поделба меѓу европските земји, со јасна разлика меѓу Истокот и Северот на континентот.
Според резултатите, најголема позитивна нето-поддршка за Трамп во Европа има во Косово (+27), по што следуваат Романија (+11) и Молдавија (+10), Македонија е исто така меѓу ретките земји со позитивен биланс, но со скромни +2 поени, што ја става меѓу малцинството европски држави каде што Трамп има повеќе поддржувачи отколку противници.
Скандинавија – епицентар на негативниот став
На спротивниот крај од табелата се наоѓаат скандинавските земји, каде што Трамп бележи убедливо најлоши резултати:
Данска: -84
Шведска: -80
Норвешка: -79
Овие бројки укажуваат на силно и широко распространето негативно мислење за поранешниот американски претседател во северна Европа.
Мапата објавена со анкетата покажува дека Источна и Југоисточна Европа се значително поповолно настроени кон Трамп, додека Западна и Северна Европа доминантно имаат негативен став. Аналитичарите ова го поврзуваат со различни перцепции за надворешната политика на САД, НАТО, Русија, како и со идеолошките разлики околу миграцијата, климата и либералните вредности.
Резултатите од анкетата покажуваат дека Трамп и понатаму е една од најполаризирачките политички фигури во светот, со силна поддршка во одредени региони и речиси целосно отфрлање во други.
