Во преполната сала на Филхармонија, на 20 декември, македонската вокална уметничка и интерпретаторка на традиционална музика, Зарина Првасевда, ја претстави своето новогодишно музичко дело под насловот „Кадифено“. Концертот беше вистински празник на културите, со репертоар што го обединуваше македонското народно музичко наследство со песни од албанската, турската и влашката традиција, создавајќи вистински дијалог меѓу различните музички светови на нашите простори.
Ezoic - wp_under_page_title - under_page_title
End Ezoic - wp_under_page_title - under_page_title
Гости на настанот беа виртуозниот перкусионист Ахмет Алан и Греми наградениот фретлес гитарист Џенк Ердоган, кој по бурниот аплауз од публиката се врати на бис, оставувајќи траен впечаток со својата енергична интерпретација.
„Бев навистина среќен за време на концертот, особено поради уникатната комуникација меѓу културите и традициите. Музиката и приказните зад секоја песна, кои Зарина ги сподели со публиката, ме инспирираа да ја обликувам интерпретацијата со акордите, во зависност од тоа дали песната е љубовна или трагична. Атмосферата беше толку топла, како да седиме дома со пријатели и свириме од срце. Навистина се радувам на можноста повторно да настапам овде“ – изјави Џенк Ердоган.
Ezoic - wp_under_first_paragraph - under_first_paragraph
End Ezoic - wp_under_first_paragraph - under_first_paragraph
За Зарина Првасевда, концертот претставуваше вистинска културна средба: „Настапот со светски уметници како Џенк, Ахмет, Андреа и Тони е огромна чест и радост. ‘Кадифено’ отвори нов агол за интерпретација на традиционалната музика, а реакциите на публиката – топли, искрени и полни со емоции – потврдуваат дека нашата идеја беше прифатена со огромна поддршка.“
Покрај гостите од странство, на сцената настапија и македонскиот виртуоз на виолина Тони Арслан и млада надежна контрабасистка Андреа Мирческа, создавајќи хармонија која ја спои традицијата со современата музичка експресија.
Ezoic - wp_under_second_paragraph - under_second_paragraph
End Ezoic - wp_under_second_paragraph - under_second_paragraph
„Кадифено“ не е само концерт, туку уникатен проект кој поврзува традиционалната музика, современиот звук и интернационалната музичка извонредност. Овој настан истовремено означува и премиера на новиот музички опус на Зарина, каде интимниот и емотивен израз се испреплетува со македонската и ориенталната традиција, добивајќи современа звучна форма низ импровизација и модерен сензибилитет.
Зарина најавува дека ова е само почеток од нејзиниот нов концертен циклус, кој ќе продолжи следната година со снимање и издавање на нов албум, како и со нови, возбудливи концертни проекти.
Ezoic - wp_mid_content - mid_content
End Ezoic - wp_mid_content - mid_content
