Бензините од полноќ поевтинуваат за пет денари за литар, додека цената на дизелот останува непроменета, според новиот ценовник на Регулаторната комисија за енергетика.
Со одлуката, малопродажната цена на ЕУРОСУПЕР БС-98 ќе изнесува 93 денари за литар, додека ЕУРОДИЗЕЛ и понатаму ќе се продава по 99 денари за литар. За пет денари се намалува и цената на ЕУРОСУПЕР БС-95.
Согласно методологијата за пресметка, малопродажните цени на нафтените деривати се намалуваат во просек за 1,89 проценти.
Новите цени ќе важат од полноќ.
