Сè поголем број граѓани купуваат преку интернет, но дел од нив се соочуваат со проблеми при онлајн нарачките. Според најновото истражување на Евростат за 2025 година, околу 29,4% од македонските купувачи пријавиле проблеми при онлајн шопинг, што сепак е помалку од просекот во Европската Унија.
Истражувањето покажува дека на ниво на Европската Унија, дури 35,4% од корисниците имале одредени тешкотии при купување преку веб-страници или мобилни апликации.
Каде се најголемите проблеми во Европа
Меѓу земјите на ЕУ, најголем процент на купувачи кои се соочиле со проблеми е регистриран во:
Малта – 64%,
Холандија – 57,9%,
Луксембург – 51,4%.
Од друга страна, најмалку проблеми имале онлајн купувачите во:
Португалија – 4,5%,
Грција – 10,6%,
Летонија – 13,3%.
Според резултатите од истражувањето, најчестите проблеми се поврзани со испораката и функционирањето на онлајн платформите.
Најчести поплаки се:
доцнење на испораката на производите – проблем што го пријавиле 19,9% од купувачите,
тешко користење или проблеми со веб-страниците и апликациите – 11,5%,
испорака на погрешни или оштетени производи – 10,4%.
Расте онлајн трговијата, но и предизвиците
И покрај овие проблеми, онлајн купувањето продолжува да расте, а сè повеќе граѓани ги користат интернет-продавниците за купување на различни производи и услуги.
