Макпетрол соопшти дека малопродажните цени на горивата на нивните бензински станици се намалуваат за 2 денари по литар во однос на цените утврдени од Регулаторната комисија за енергетика.
Според новата одлука, цената на Еуросупер БС-95 изнесува 84,5 денари за литар, додека Еуросупер БС-98 ќе се продава по 86,5 денари за литар.
Намалување има и кај дизелот, чија цена изнесува 93,5 денари за литар, што исто така претставува поевтинување од 2 денари во однос на претходно објавената цена од регулаторот.
Од компанијата информираат дека со оваа мерка се овозможува поволност за граѓаните и компаниите, во услови на ценовни флуктуации на пазарот на нафтени деривати.
