Регулаторната комисија за енергетика (РКЕ) донесе нова одлука за корекција на цените на нафтените деривати, со која од полноќ повторно се зголемуваат малопродажните цени на горивата.
Според одлуката, бензините ЕУРОСУПЕР БС-95 и ЕУРОСУПЕР БС-98 поскапуваат за 3,00 денари по литар. Со тоа, новата цена на ЕУРОСУПЕР БС-95 ќе изнесува 93,00 денари за литар, додека ЕУРОСУПЕР БС-98 ќе се продава по 95,00 денари за литар.
Најголемо поскапување има кај дизелот. Малопродажната цена на ЕУРОДИЗЕЛ (Д-Е V) се зголемува за 4,50 денари по литар, па од полноќ ќе чини 98,50 денари за литар.
Повисока ќе биде и цената на екстра лесното масло за домаќинство (ЕЛ-1), кое поскапува за 5,00 денари по литар и ќе се продава по 98,00 денари за литар.
Зголемување има и кај мазутот М-1 НС, чија цена се зголемува за 2,726 денари по килограм, со што новата малопродажна цена ќе изнесува 48,099 денари за килограм.
Новите цени ќе стапат во сила од вечерва на полноќ.
