Вечерва е уапсено уште едно лице осомничено за убиствата во скопската општина Ѓорче Петров, според неофицијалните информации на 4NEWS.
Ова е трето апсење во врска со двата случаи, откако претходно денеска беше објавена информација за приведување на едно осомничено лице.
Во Ѓорче Петров, во период од пет дена, беа пронајдени починати 62-годишен маж и 76-годишна жена, двајцата со видливи траги од насилство. Жената беше пронајдена утрово во куќа на улицата „Ѓурчин Кокале“, додека случајот со мажот беше пријавен на 22 октомври.
Од надлежните институции се очекуваат детали за основите на сомнежот и евентуалната улога на секое од приведените лица во двата случаи.
