Вчерашниот работен ден во Кавадарци заврши со опасен инцидент, откако несреќа на работно место остави сериозно повреден 34-годишен маж од селото Ваташа.
Според официјални информации од СВР Велес, станува збор за лице со иницијали А.М., кое по несреќата итно било пренесено во Општата болница во Кавадарци, каде лекарите констатирале тешки телесни повреди.
Несреќата се случила во текот на извршување на редовни работни обврски во една од поголемите индустриски капацитети во градот. По добиената пријава, надлежните служби веднаш излегле на терен, при што била спроведена увидна постапка во фабриката.
