Вработена во обезбедување на државна институција во Скопје пријавила дека била физички нападната на своето работно место од 48-годишна скопјанка, која потоа агресивно се однесувала и кон полициски службеник.
Случајот бил пријавен на 13 август во 18:50 часот во СВР Скопје.
Според пријавеното, 42-годишната Б.П. од Скопје околу 15:00 часот, додека извршувала работни задачи како обезбедување на влезот во државната институција, била физички нападната од Е.П. (48) од Скопје.
Од МВР дополнително информираат дека 48-годишната скопјанка продолжила со агресивно однесување и кон полициски службеник кој во моментот преземал службени дејствија.
Полицијата работи на целосно документирање на случајот, по што од СВР Скопје најавуваат дека ќе следува соодветен поднесок.
