На 19.05.2026 година во 22:30 часот, полициски службеници од Полициското одделение Камењане го лишиле од слобода Н.М. (27) од село Синичане, тетовско.
Инцидентот се случил за време на сообраќајна контрола на регионалниот пат Тетово – Гостивар, во близина на село Долно Палчиште, кога било запрено патничко возило „ауди А6“ со тетовски регистарски ознаки. Возачот одбил да ги приложи бараните документи, по што бил приведен во полициското одделение, каде физички нападнал полициски службеник.
Во истиот случај биле приведени и сопатниците С.С. (28) и А.А. (35), двајцата од село Голема Речица, бидејќи не постапиле по наредбите на полициските службеници и не дале документи на увид.
Лицата се задржани во полициска станица, а по целосно документирање на случајот ќе следуваат соодветни поднесоци.
