Медицинска работничка од Клиничкиот центар во Тетово пријавила дека била физички нападната од свој колега додека ги извршувала работните обврски.
Според информациите од СВР Тетово, на 29 мај 2026 година во 17:20 часот, 40-годишната Л.М. од Тетово, вработена во Клиничкиот центар Тетово, пријавила кривично дело „напад врз службено лице при вршење работи од здравство“.
Според пријавеното, инцидентот се случил околу 15:00 часот, кога за време на извршување службени дејствија настанала вербална расправија меѓу неа и нејзиниот колега К.К. (67) од Тетово, кој потоа физички ја нападнал.
Од полицијата информираат дека во 18:00 часот К.К. бил лишен од слобода и задржан во Полициската станица Тетово.
По целосно документирање на случајот, против него ќе биде поднесен соодветен поднесок.
