Полицијата во Куманово открила случај на нелегална трговија со предмети што се сметаат за добра под привремена заштита. Според информациите од Министерството за внатрешни работи, против 48-годишниот Г.Г од Куманово е поднесена кривична пријава поради сомнение дека незаконски купувал и препродавал вредни историски предмети.
Осомничениот во текот на минатата година набавил повеќе артефакти, меѓу кои бајонети, сабји, швајцарски планинарски целин и декоративна фигура во форма на лавовска глава, велат од СВР Куманово. Станува збор за предмети што спаѓаат во категоријата на културни и заштитени добра.
Наместо да ги пријави или чува согласно законските прописи, тој ги нудел на продажба преку профил на социјална мрежа, со цел да оствари противправна имотна корист. Надлежните органи го товарат за кривично дело поврзано со неовластена трговија со културно наследство и предмети под привремена заштита.
