45-годишен жител на Македонски Брод пријавил во полиција дека бил жртва на измама во која бил оштетен за сума од 43.000 евра. Случајот бил пријавен на 29 декември 2025 година во 17 часот во ОВР Македонски Брод.
Според пријавеното, во октомври годинава тој се договорил со лице од село Сарај, скопско, за извршување градежни работи во неговата семејна куќа во Македонски Брод и во уште еден објект во село во истата општина. Во текот на договорот, оштетениот во повеќе наврати му исплаќал пари на изведувачот.
По последната исплата, лицето престанало да одговара на телефонските повици, избегнувало контакт, не ги завршило договорените работи и не ја вратило примeната сума. Откако сфатил дека е измамен, случајот бил пријавен во полиција.
