Во Скопје утрото на 11 мај 2026 година околу 07:10 часот се случила сообраќајна несреќа на раскрсницата меѓу улиците „Бранко Заревски“ и „Живко Фирфов“.
Според информациите од СВР Скопје, патничко возило „Фолксваген Туран“ со скопски регистарски таблички, управувано од 58-годишната Л.Т.М. од Скопје, удрило во 79-годишниот пешак Ј.М., исто така од Скопје.
Пешакот во несреќата се здобил со тешки телесни повреди и веднаш бил пренесен во Комплексот клиники „Мајка Тереза“, каде што лекарите ги констатирале повредите.
На местото на настанот бил извршен увид од увидна екипа на СВР Скопје, која работи на утврдување на сите околности поврзани со сообраќајната несреќа.
