Антиквитети во вредност од повеќе од 100 милиони евра се запленети, а 35 лица осомничени за незаконска трговија со старини се уапсени во голема меѓународна операција координирана од Бугарија, соопшти Европол во четвртокот.
Околу 3.000 предмети – меѓу кои древни златни и сребрени монети и други вредни артефакти – сега треба да бидат идентификувани и вратени, изјави претставникот на Европол, Јенс Лидхегенер, на прес-конференција во Софија.
Богатството засега се чува во Националниот историски музеј во Софија.
Во полициската акција биле извршени 131 претрес, од кои 120 во Бугарија, а останатите во Франција, Албанија, Германија и Грција.
Европол сомнева дека криминалната група финансирала тајни археолошки ископувања низ Бугарија и соседните балкански земји.
Соработката во истрагата започнала уште во 2020 година, кога во Бугарија биле запленети 7.000 предмети – меѓу кои маски, воена опрема, накит, садови и чаши од трачката и грчко-римската цивилизација, некои стари и до 2.000 години пред нашата ера.
