Српскиот претседател Александар Вучиќ изјави дека Србија е подготвена да продава муниција на Европската унија, без разлика каде таа подоцна ќе заврши, што предизвика реакција од Москва. Портпаролот на Кремљ, Дмитриј Песков, истакна дека Русија не сака оружјето и муницијата произведени во Србија да се користат против нивните војници.
„Разбираме дека се врши невиден притисок врз Србија. Ситуацијата таму не е лесна, знаеме со какви проблеми се соочуваат Србите“, додаде Песков.
Вучиќ, во интервју за германското списание „Цицеро“, посочи дека српските складишта за муниција се полни, особено со минофрлачки гранати, и дека на Европа ѝ се потребни долгорочни договори за обезбедување на стабилни залихи. Тој нагласи дека Србија останува неутрална, но е подготвена за соработка со европските земји во одбранбени прашања.
Претходно, во мај, Руската служба за надворешно разузнавање обвини дека српските одбранбени компании, и покрај официјалната неутралност на Белград, снабдуваат муниција на Киев. Москва повтори слични забелешки и летото, по што Вучиќ најави прекин на извозот на муниција.
