Бројот на ученици во основните и средните училишта во Албанија драстично се намалува, со просечен пад од околу 10 илјади ученици годишно.
Според податоците на Институтот за статистика (ИНСТАТ), во 2015 година во предуниверзитетско образование имало 362 илјади ученици, додека во учебната 2024-2025 година нивниот број се намалил на 250 илјади. Ова претставува намалување од 112 илјади ученици или 31 отсто за десет години.
Најголем пад се забележува во деветгодишното образование, со 125 илјади деца помалку во училиштата помеѓу 2014 и 2024 година. Само во последните пет години, бројот на учениците опаднал за над 61 илјада.
Главните причини за овој тренд се намалениот наталитет и масовната емиграција. Последица од тоа е затворањето на училиштата – од 2012 до 2022 година се затворени 295 деветолетки, што е над 22 отсто од вкупниот број.
И бројот на нови ученици во прво одделение бележи значителен пад: од околу 35.000 – 38.000 пред една деценија, на 26.500 ученици во новата учебна година.
