Во јужниот дел на Албанија, во близина на градот Делвина, изби силен шумски пожар кој предизвика сериозни последици врз локалното население и инфраструктурата. Според официјалните информации, три лица се повредени – претрпеле изгореници и вдишале густ чад, а над 2.000 луѓе се евакуирани од шест села погодени од огнената стихија.
Заменик-градоначалничката на Делвина, Брунилда Мелеќи, изјави дека пожарот зафатил голема површина и предизвикал значителна материјална штета. Црква и 11 куќи се целосно уништени, а евакуираните жители се сместени на безбедни локации во координација со службите за итни интервенции.
