Неколку меѓународни авио-компании ги откажаа летовите кон Венецуела откако американската Федерална управа за авијација (FAA) предупреди на „потенцијално опасна ситуација“ во воздушниот простор над земјата.
IATA, која ги претставува околу 350 авиокомпании, оцени дека ваквите ограничувања дополнително ја изолираат Венецуела. Компании како Air Europa, Plus Ultra, Iberia, GOL, Avianca, TAP Portugal и Turkish Airlines привремено ги суспендираа летовите.
FAA предупреди на зголемена воена активност во регионот, вклучувајќи носач на авиони, осум други воени бродови и авиони F-35, што претставува ризик за сите летови.
