ВИДЕО: Се урна американски борбен авион Ф-15 во Кувајт

Американски борбен авион Ф-15 се урнал на територија на Кувајт, во услови на зголемени тензии на Блискиот Исток, јавуваат повеќе странски медиуми, но засега нема официјална потврда за причините за инцидентот.

Според првичните информации, екипажот успеал навреме да се катапултира и да преживее, а локалните власти започнале истрага за утврдување на околностите под кои дошло до падот.

Неофицијално, се шпекулира дека авионот можеби бил погоден за време на тековните воени активности во регионот, но овие тврдења не се потврдени од релевантни извори. Во јавноста се појавија и видеа на кои наводно се гледа падот на леталото, но нивната автентичност сè уште не е целосно проверена.

Засега нема официјална реакција од американските власти, ниту од Пентагон, што дополнително ја зголемува неизвесноста околу случајот.