ВИДЕО: Пожар во луксузен ресорт остави само пепел

Во голем пожар што го зафати туристичкиот комплекс „Viva Dominicus Beach Resort“ во Доминиканската Република, животот го загуби 46-годишен италијански турист, а неколку лица се повредени.

Пожарот избувнал во објектите на самиот ресорт на крајбрежјето и брзо се проширил, предизвикувајќи паника меѓу гостите и персоналот.

Од безбедносни причини биле евакуирани речиси 1.700 лица, кои биле сместени на безбедни локации додека противпожарните служби се бореле со огнената стихија.

Локалните власти соопштија дека пожарот е ставен под контрола, а истрагата за причините за неговото избувнување е во тек.