Најмалку осум лица загинаа во најновиот бран на ракетни напади што Иран ги изврши врз Израел, во рамки на ескалацијата на конфликтот на Блискиот Исток.
Според информациите од израелските служби, дел од проектилите погодиле цели во близина на Ерусалим, при што директно била погодена и градската зона на Беит Шемеш. Нападите предизвикале значителна материјална штета и паника меѓу населението.
Иранската армија соопшти дека станува збор за одмазднички напади, кои следуваат по заедничката воена операција на САД и Израел, насочена кон ирански цели. Во тие напади, според иранските извори, бил убиен врховниот лидер ајатолах Али Хамнеи.
Покрај Израел, и американски бази во регионот биле мета на иранските сили, што дополнително ја зголемува загриженоста од поширока регионална војна.
Меѓународната заедница повикува на итна деескалација, додека безбедносните служби предупредуваат дека постои ризик од нови напади во наредните часови.
