Американскиот претседател Доналд Трамп објави дека Иран се соочува со сериозна внатрешна состојба и наводно побарал отворање на Ормутскиот теснец.
Во објава на платформата Truth Social, Трамп наведе дека иранските власти ги информирале САД дека се наоѓаат во „состојба на колапс“ и дека се обидуваат да ја стабилизираат ситуацијата во земјата.
Според него, во такви околности, Техеран покажал интерес за што побрзо отворање на Ормутскиот теснец, кој има клучно значење за глобалниот транспорт на нафта и енергенси.
Трамп изрази уверување дека Иран ќе успее да се справи со внатрешните предизвици, притоа заблагодарувајќи се за вниманието кон ова прашање.
Изјавата доаѓа во време на зголемени геополитички тензии во регионот, при што секое поместување околу Ормутскиот теснец се следи внимателно поради неговото влијание врз светските енергетски пазари.
