Американскиот претседател Donald Trump изјави дека војната во Иран нема да трае долго, оценувајќи дека ситуацијата се движи кон брзо разрешување.
Трамп посочи дека во одреден момент САД ќе ги повлечат своите сили од регионот на Персискиот Залив, но нагласи дека тоа нема да се случи веднаш.
„Земјите мора да се вмешаат и да го решат тоа. Иран е десеткуван“, изјави тој, додавајќи дека меѓународната заедница треба да преземе поактивна улога.
Во телефонско интервју за CBS News, Трамп се осврна и на прашањето за иранските залихи на високо збогатен ураниум, истакнувајќи дека не е загрижен поради нивната локација.
„Дури ни не размислувам за тоа. Само знам дека е толку длабоко закопан што ќе биде многу тешко било кому да стигне до него“, рече тој.
