Путин не ја исклучува можноста за средба со Зеленски
Рускиот претседател Владимир Путин не ја исклучува можноста за средба со украинскиот претседател Володимир Зеленски, соопшти денес портпаролот на Кремљ, Дмитриј Песков.
Песков истакна дека, иако средбата на највисоко ниво е можно решение, таа мора внимателно да се подготви и да се заснова на претходен експертски дијалог. „За сега не можеме да кажеме дека експертскиот процес е во полн тек. За жал, тоа не е така“, изјави Песков за РИA Новости.
Тој додаде дека Русија останува заинтересирана и подготвена за преговори, додавајќи дека сите позиции на Русија за потенцијален договор се соопштени на Киев и доставени во писмена форма.
