Путин и Трамп во „проектот на векот“ – Русија планира мегатунел до Алјаска
Русија разгледува изградба на џиновски тунел што би ја поврзал со Алјаска преку Беринговиот Теснец, објавија руските медиуми. Според РИА Новости, тунелот би бил долг меѓу 98 и 113 километри – речиси двојно подолг од Евротунелот кој ги поврзува Франција и Велика Британија.
Генералниот директор на Рускиот фонд за директни инвестиции (RDIF), Кирил Дмитриев, изјави дека веќе започнале разговори за проектот вреден околу осум милијарди долари. Тој додаде дека фондот разгледува неколку предлози, меѓу кои и железничка врска Русија–Канада–САД–Кина, при што ќе биде поддржан најодржливиот модел.
Американскиот претседател Доналд Трамп, запрашан за иницијативата, ја оцени како „интересна идеја“, што дополнително го засили вниманието околу потенцијалното руско-американско инфраструктурно партнерство.
