Не можеш да го излажеш Трамп двапати“ – Венс го критикува Нетанјаху

Џ.Д. Венс, потпретседател на САД, наводно го критикувал израелскиот премиер Бенјамин Нетанјаху за време на телефонски разговор, обвинувајќи го дека бил преголем оптимист за можностите за промена на режимот во Иран.

Венс му рекол на Нетанјаху дека многу од предвидувањата за војната „што му ја презентирал на Доналд Трамп“ не се оствариле, особено по атентатот врз врховниот лидер на Иран, ајатолахот Али Хамнеи, кога тврдокорните фракции ја засилиле контролата над земјата.

Според извор од американската страна, „пред војната, Нетанјаху навистина му ја продал на претседателот толку лесно, бидејќи промена на режимот изгледала многу поверојатна отколку што навистина беше“.

Венс, кој првично бил против војната со Иран, сега е назначен од Трамп за главен преговарач со Техеран. Американските медиуми истакнуваат дека неговото искуство и претходното противење на отворени конфликти во странство го прават попривлечен соговорник од претходните преговарачи.

Еден ден по разговорот, израелски медиум објави дека потпретседателот го критикувал Нетанјаху и за насилството на израелските доселеници на Западниот Брег, но Белата куќа го опиша извештајот како неточен, со сомнеж дека медиумите можеби се обиделе да го оцрнат Венс.

Американските официјални лица уверуваат дека Венс е подготвен да ја води преговарачката улога со Иран, но само кога ќе започнат директни разговори.