Елитната 26-та падобранска регeмента во Цвајбрикен е во центарот на шокантен скандал, откако истрагите открија сексуално вознемирување, употреба на дрога и симпатии кон десничарски екстремизам меѓу нејзините припадници. Според обвинителството, неколку војници се товарат за истакнување на нацистички симболи, закани со насилство и кршење на воената дисциплина.
Министерот за одбрана Борис Писториус ја опиша ситуацијата како „шокантна“ и нагласи дека ваквото однесување е недозволиво и директно ги крши основните вредности на Бундесверот. Командантот на единицата, полковникот Оливер Хенкел, е суспендиран додека трае истрагата, иако негира каква било вмешаност.
До сега се проверени 55 припадници на единицата: тројца се отпуштени, против 19 е покрената дисциплинска постапка, а 16 случаи се предадени на обвинителството. Војската најави посебен „акциски план“ за падобранските сили, со порака дека нема простор за насилство, сексизам или екстремизам.
