Генералниот секретар на НАТО, Марк Руте, одговори на критиките за своето често фалење на американскиот претседател Доналд Трамп, истакнувајќи дека неговите коментари се базираат на конкретни резултати. Тој рече дека верува дека Трамп „прави добро за НАТО“ со тоа што ги охрабрува европските земји да ја зголемат својата потрошувачка за одбрана и да се приближат до американскиот нивo.
„Апсолутно сум убеден дека без Доналд Трамп никогаш немаше да го имаме тој резултат на самитот во Хаг минатата година, кога прагот за одбрана на БДП беше зголемен на 5%. Значи, кога фалам некого, тоа се базира на факти и верувам дека фактите постојат“, рече Руте за време на прес-конференцијата во Загреб со хрватскиот премиер Андреј Пленковиќ.
Руте не коментираше директно за изјавите на Трамп за Гренланд, но ја поздрави дискусијата меѓу сојузниците за „поголема соработка и комбинирање на активности“ во Арктикот и Далечниот Север. Тој истакна дека НАТО заедно со седумте членки кои граничат со овие региони работи на следните чекори за зајакнување на колективната одбрана.
