Рони Џексон, поранешниот личен лекар на Доналд Трамп, кој ја загуби медицинската лиценца и го изгуби чинoт во Морнарицата поради контроверзии и скандали, повторно се најде во центарот на вниманието. Иако не може легално да практикува медицина освен во итни случаи, Џексон неодамна издаде соопштение во кое тврди дека Трамп е „најздравиот претседател што некогаш го имала оваа нација“, објави „Дејли бист“.
Белата куќа драматично го вклучи Џексон во здравствената криза на претседателот, по откривањето на хронична венска инсуфициенција и загрижувачки фотографии од отечени глуждови и модринки на рацете на Трамп. Многумина експерти ја доведуваат во прашање веродостојноста на неговата изјава, со оглед на контроверзиите од минатото, вклучувајќи прекумерно препишување лекови, алкохол на работа и непријателска работна средина.
„Како поранешен личен лекар на претседателот, можам недвосмислено да кажам дека Доналд Џ. Трамп е најздравиот претседател што оваа нација некогаш го имала“, изјави Џексон, додека деталите за неговата пристапност до медицинските картони остануваат нејасни.
Овој чекор доаѓа во време кога Трамп и гувернерот на Илиноис Џ. Б. Прицкер разменуваат обвиненија за „нездраво однесување“, а Белата куќа продолжува да обезбедува минимални фактички информации за здравјето на претседателот.
Ситуацијата отвора нови прашања: Како можел лекар без лиценца да стане централна фигура во проценката на здравјето на најмоќниот човек во Америка?
