Вчера околу 15:30 часот силно невреме со дожд, грмежи и ветер го зафати Скопје. Центарот за управување со кризи (ЦУК) соопшти дека повеќе дрвја паднале, неколку возила се оштетени, а еден граѓанин е повреден.
Од ЦУК информираат дека надлежните служби од општините и Град Скопје биле известени и координирани за постапување по пријавите за штети и опасности.
Според пријавите на бројот 112, состојбата е следна:
Паднати дрвја: 16 Оштетени возила: 3 Откачени кабли од бандери: 7 Откачени и оштетени кровови: 3 Повреден граѓанин: 1
ЦУК продолжува да ја следи ситуацијата и да ги информира граѓаните за сите ризици и итни случаи.
