Во селото Ротино деновиве се реализира завршната фаза од реконструкцијата на патот кој води до црквата, при што се врши асфалтирање на улицата.
Жителите на Ротино истакнуваат дека со децении чекале реализација на овој проект, при што изразуваат благодарност до локалната самоуправа и градоначалникот на Општина Битола, Тони Коњановски, како и до советниците.
Вредноста на проектот изнесува 5.185.870 денари, а средствата се обезбедени преку Министерството за транспорт, во рамки на вториот владин повик, на кој Општина Битола добила одобрување за голем број проекти.
Градоначалникот Коњановски истакнува дека ваквите инвестиции се потврда на заложбите на општината за подобрување на условите за живот и во руралните средини, со фокус на подобра инфраструктура и поврзаност на населените места.
