Со богослужби и свечена академија во Скопје беше одбележана 130-годишнината од изградбата на храмот „Свети великомаченик Димитриј“, некогашниот соборен храм во главниот град.
Јубилејот се одбележува во деновите околу празникот Митровден, кој Македонската православна црква – Охридска архиепископија и православните верници го празнуваат на 8 ноември.
По повод годишнината, во саботата вечерта се одржа свечена академија, а за денешниот празник беше предвидена божествена литургија со која ќе чиноначалствува архиепископот охридски и македонски г.г. Стефан.
Признанија по повод јубилејот
Меѓу добитниците на признание од МПЦ-ОА по повод годишнината е и градоначалникот на Скопје, Орце Ѓорѓиевски.
Тој соопшти дека признанието го добил како благодарност за помошта во реконструкцијата на придружните објекти на храмот. Во својата објава му се заблагодари на архиепископот Стефан, на свештенството и на отец Жарко.
Ѓорѓиевски посочи дека храмот е место во кое скопјани низ годините доаѓале на молитва и во тешки и во радосни мигови.
Храмот „Свети великомаченик Димитриј“ е изграден во 1896 година. Одбележувањето на јубилејот е посветено на неговото место во верскиот и духовниот живот на Скопје.
