По обилните дождови кон крајот на ноември, нивото на Преспанското Езеро, кое со години се намалуваше и се приближуваше до апсолутен минимум, се зголеми за 27 сантиметри, потврдуваат извори од Преспа. Мерењата на станицата кај село Наколец покажуваат дека водостојот од 840,88 метри надморска височина на 7 ноември пораснал на 841,15 метри на 2 декември, односно само 10 сантиметри под најниското регистрирано ниво на Езерото.
Преспанското Езеро со децении се соочува со загрижувачки низок водостој, по што процесот се интензивира со климатските промени, пронирањето на водата и неконтролираното користење на ресурсите, особено во последните 30 години. Максимумот бил забележан во 1963 година, кога нивото достигнало 851,83 метри надморска височина.
Од Општина Ресен велат дека нивото на Езерото се зголемува, но официјално мерење ќе објават откако ќе завршат дождовите и ќе ги потврдат резултатите на терен.
