УХМР предупредува на локално невреме со дожд, ветер и град
Управата за хидрометеоролошки работи (УХМР) најавува попладневна нестабилност со локално невреме, која ќе го зафати северниот, североисточниот и централниот дел од земјата.
Според најновите информации, нестабилната облачност проследена со пороен дожд и грмежи се движи од југ кон север, зафаќајќи го централниот и источниот регион.
Денешното време ќе биде променливо облачно, со услови за локални врнежи од дожд и грмежи. На одделни места се очекува поинтензивна нестабилност, проследена со пообилен пороен дожд, силни грмежи, засилен ветер и можност за појава на град.
Надлежните апелираат на зголемена внимателност, особено во подрачјата што се најавени како потенцијално погодени.
