Во четврток околу 19:50 часот, во СВР Битола бил пријавен инцидент на улицата Широк сокак, каде што 32-годишен турист од Шведска, со моментален престој во Дебар, бил пресретнат од група млади лица на возраст од околу 20 години.
Според пријавата, тие се обиделе насилно да му ја соблечат маицата на која имало симболи на друга држава. Откако увидел дека не може да се одбрани, туристот сам ја соблекол маицата и им ја предал, по што напаѓачите избегале во непознат правец.
Од МВР информираа дека се преземаат мерки за расчистување на случајот и идентификување на сторителите.
