Струмица стана домаќин на значаен културен и духовен настан – промоцијата на новата книга на епископот Јаков, насловена „Мистичниот и литургиски живот во делата на старец Емилијан Симонопетритски“. Настанот се одржа на 8 февруари 2026 година и беше организиран од страна на Институтот за духовно и монашко наследство на Балканот „Наследство на пустината“.
На промоцијата свои осврти за значењето на изданието имаа проф. д-р Владимир Вукашиновиќ од Православниот богословски факултет во Белград и проф. д-р Милан Ѓорѓевиќ од Богословскиот факултет во Скопје. Тие ја истакнаа богословската и духовната вредност на трудот на епископот Јаков, особено во контекст на литургиската практика и духовниот живот инспириран од делата на старец Емилијан Симонопетритски, еден од најистакнатите современи духовни учители на Света Гора.
Промоцијата е дел од продолжувањето на соработката меѓу Српската православна црква и Македонската православна црква – Охридска архиепископија, која вклучува архиереи, свештеници, монаси и богослови. Ова партнерство започна минатата година со научната конференција „Балкански монашки светови – дијалози за монаштвото, теологијата и културата“, која се одржа во манастирот Водоча кај Струмица.
